വേണ്ട!
ഞാനൊന്നും എഴുതുന്നില്ല, ഒന്നും...
വിരല്തുമ്പിലെന്റെ മനസ്സ് വഴിതെറ്റുന്നു
നല്ല വാക്കുകളൊന്നും നാവിന്തുമ്പിലില്ല,
കിനാക്കളില് നിറങ്ങളില്ല,
ശൂന്യത...
അതിന്റെ ഭാരം പേറാനെന്റെ എഴുത്തോലയ്ക്കൂ ത്രാണിയുമില്ല
എന്റെ ശൂന്യത എനിക്കും
സ്വപ്നങ്ങള് നിനക്കും
സ്വന്തമായിരിക്കട്ടെ.
ഈ കമ്പ്യൂട്ടറിനു മുന്നിലുള്ള ജീവിതം
എന്നില് നിന്നും എന്നെ പിഴുതെറിയുന്നു
ഇവിടെ ഞാന്
സങ്കല്പത്തിനും യഥാര്ത്ഥ്യത്തിനുമിടയിലെ
ഇഴകള് തുന്നുകയാണ്,
ബന്ധങ്ങള്..!
ഏതു നിര്വചനത്തിന്റെ പരിധിയില് വരുന്നതായാലും
അതിന്റെ ഗതികള് (ഗതികേടുകളും) എന്നെ ആശ്ചര്യപ്പെടുത്തുന്നു
സ്വഭാവികമായ സ്വാര്ത്ഥതയുടെ വികാസവും പരിണാമവും
ചിലനേരങ്ങളില്, ഒരുതരം കൌതുകത്തോടെ ഞാന് നോക്കിക്കാണാറുണ്ട്
അതിന്റെ ഗതിവിഗതികളില് സ്വാധീനിക്കപ്പെടാതിരിക്കാന്
എന്തുകൊണ്ട് സ്വയം ശ്രമിക്കുന്നില്ലെന്നതും കൌതുകകരം തന്നെ
No comments:
Post a Comment